David Hauser (JEFO) komunikis jenon :

Karaj amikoj,
Kun ege profunda tristeco, ni eksciis ke Maëna Volant troviĝis en la flugo AH5017 de Air Algérie kiu kraŝis en Malio la 24an de julio 2014. Mi renkontis Maëna unuafoje dum lasta FESTO en Kelmis. Ni multe babilis. Ŝi estis ege ĉarma persono. Ŝi ekde la komenco estis ege helpema kaj ŝia agemo mankos al ni.Nome de la Junulara Esperantista Franca Organizo, mi esprimas sinceran kondolencon al ŝia familio kaj al ĉiuj ŝiaj amikoj.
— — — — — — — — — — — — — — — — — — — — — — — — —
La belgaj partoprenintoj al FESTO en Kelmis pasintjare ankaŭ eble konatiĝis kun ŝi tie. La klubo de Bruselo ankaŭ prezentas al ŝiaj familio, amikoj kaj JEFaj kunlaborantoj siajn sincerajn kodolencojn.

Nikolao
Prezidanto de EBG

la 28an de Majo :
Prelego de Valère Doumont pri "Kion proponi ene de Esperanto-movado al adoleskantoj?"
Ekde unu jaro kaj duono, kelkaj adoleskantoj kuniĝas regule por skoltumi. 15 partoprenantoj, pli ol 10 semajnfinoj kaj unu tutsemajna tendumado...

Valère Doumont rakontos al vi iliajn aventurojn kaj respondos al viaj demandoj.

la 11an de Junio :
Prelego de Kristin TYTGAT pri “Vintra naĝado: ĉu nur por ursoj?”
“Mi estas membro de la naĝ- kaj sportklubo “Polaraj ursoj de Deurne” kiu celas progresigi la vintran naĝadon en la naturo.
Ni naĝas en ekologia naĝbaseno en la parko Boekenberg en Antverpeno.
Se vi volas scii kial ni faras tion, mi tre kore invitas vin al mia prelego.”

la 25an de Junio je la 18a30 :
Sezonfina vespermanĝo ĉe « Kriti»,
greka restoracio sur la ĉarma placo de Betlehemo.
Tramo 81-83 Haltejo : Bethléhem aŭ 11 minutoj piede de la Suda stacidomo. Parkejo vespere senpaga.
KRITI Chaussée de Forest 112 Vorstlaan - 1060 Bruselo
En la karto ankaŭ obteneblaj estas vegetaraj pladoj.
Se oni antaŭmendas ankaŭ veganaj pladoj estas haveblaj : interalie vegana Musako
Bonvolu nepre aliĝi ĉe Nikolao kaj sciigi vian pladotipan preferon.

Dum la monato Julio:
Kiel kutime nun de kelkaj jaroj, la kunvenoj daŭrigos en Julio nur kiel babilrondo.
la 10an de Septembro :
Unua kurso/kunveno de la nova sezono. Novuloj, bonvolu kontakti nin antaŭ ol veni.

• Retpoŝte: Françoise Pellegrin
• Telefone: +32 2 358 27 28

GRAVA NOTO :
La personoj kiuj ne jam estas sur la listo por eniri nian klubejon kaj kiuj volas partopreni tiun prelegon, nepre devas komuniki al Nikolao ( nikolao ĉe esperantobruselo.org ) siajn nomon, ŝtatanecon kaj n-ron de identigilo plej laste lundon vespere.

Nikolao
Prezidanto

Dimanĉon, la 27an de Aprilo 2014 je la 15a horo

Kadre de Ekspozicio pri « Vies de zinc » (Vivoj de zinko) en « La Fonderie », pri portretoj de laborintoj kaj entreprenobildoj kiu okazos de la 31 de Januaro ĝis la 25a de Majo 2014,
Sean O'Rian, Prezidanto de EEU, faros prelegon pri Esperanto kaj ties tiama uzo en Neŭtrala Moresto.La ideo de komuna lingvo restas aktuala, interalie en Eŭropa Unio kun ĝiaj 24 ofialaj lingvoj. Kio pri Esperanto hodiaŭ ?

Por pli da detaloj pri nia EBGa Festo bonvolu musklaki la bildon ĉi dekstre

Merkredon la 22an de Januaro, je la 18a30, en nia kunvenejo Neven Kovačić faros prelegon pri “Jugoslavio kaj post ĝi”. Li skizos la situacion antaŭ la estiĝo de Jugoslavio, la kvalitoj kaj la tensioj en tiu ĉi ŝtato, la disfalo kaj la nuna situacio. Pro lia senkompara kono de donitaĵoj kaj lia saĝa elekto de la ĉefaĵoj ni ricevos surprizan bildon pri la komplekseco en tiu ĉi regiono.

Merkredon la 6an de Novembro

je la 18a30 en nia kunvenejo.

“Ĉu mi bone komprenas vin?”

Konsiloj por klare kaj efike komuniki en Esperanto

Sukcese komuniki kun ĉiuj esperantistoj de la mondo ne estas facila tasko, eĉ se ni ĉiuj parolas komunan lingvon.

Ĉar la alia persono en la konversacio eble venas el por vi tute ne konata kulturo, li aù ŝi povas reagi strange al via mesaĝo kaj povas kompreni vin en tute alia maniero.

Dum mia prezento mi uzos iujn konkretajn ekzemplojn kaj provos trovi kelkajn ĝeneralajn konsilojn, kiuj helpos pli klare kaj efike komuniki.

Kristin Tytgat

Sabaton la 28an de Septembro 2013 ekde la 18a30

Tiun sabaton ni denove renkontiĝos en belegan lokon

«De Ultieme Hallucinatie» Rue Royale 316 Koningstraat en 1210 Bruselo,

kiu plie estas je nur 600m de la norda stacidomo.

Babilado, klaĉado, manĝo, kantado, renkontiĝo, bonhumoro atendos vin ekde la 18a30 ĝis … iam nokte.

VENU MULTNOMBRAJ !

La 18an de Septembro je la 18a30 en nia kunvenejo

Orienta Timoro ankoraŭ ne estas tre konata lando. Heidi Goes rakontos pri ĝia historio kaj montros fotojn kiujn ŝi prenis dum sia vizito en marto 2013. Aldone vi ekscios pri kiel ŝi sukcesis dum unu semajno aperigi po unu artikolon en ĉiu el la kvar landaj gazetoj, intervjuiĝi en la nacia radio kaj ekinstrui Esperanton.